ΑρχικήΠόντοςΟ πρόσφυγας ο κύρη μ

Ο πρόσφυγας ο κύρη μ

Ο πρόσφυγας ο κύρη μ

Τα δάχτυλα μ’ κι ακούγνε με
έπαρ’ υιέ μ’ τη λύραν
ποίσον πονετικόν καϊτέν
τη προσφυγιάς τη μοίραν.

Ποίσον τα τοξαρέας σης
σην κάρδια μ’ μαχαιρέας
π’ επέμνανε αστερέωτοι
ση χώρας τα στερέας.

Παίξον ρίζα μ’ ν’ αντιβοούν
και σείουν τα ρασία
παίξον καρδίας βάινασιν
και κλαίντσον τα πουλία.

Ψυς λάλεμαν απόμακρον
τ’εμόν η τραγωδία
κι ούντες ο νους ημ’ πάει εκεί
καίει με η αροθυμία.

Τογράεψον το ψυόπον μου
σίλια κομμάτια ποίσον
το δάκροπο σ’ το υστερνόν
για τον πατέρα σ’ ξύσον.

Έπαρ’ με κ’ άμε ξαν’ οπίσ’
αδά κες κι βαστάζω
το χώμαν έρται με βαρύν
ούτε θα ησυχάζω.

Κι αν εν’ και θάψ’ με αδά κες
γράψον σο κοιμητήρι μ’
αδά κείται ανάπαος
ο πρόσφυγας ο κύρη μ’.



ΠΡΕΠΕΙ ΝΑ ΔΕΙΤΕ

Έβγα ήλιε μ’ έβγα

Έβγα ήλιε μ' έβγα Έβγα ήλιε μ’ έβγα, έβγα ήλιε μ’ έβγα έβγα ήλιε...

Τ’ άη Γιωρκού

Τ' άη Γιωρκού Δευτέρα ήτουν της Καθαράς που κάμνουν την νομάδαν Μες το καράβιν...

Στο ‘πα Σαββάτο για να ‘ρθεις

Στο 'πα Σαββάτο για να 'ρθεις Στο πα Σαββάτο για να 'ρθεις οπο πο...

Ερωτόκριτος (Ταραχή)

Ερωτόκριτος (Ταραχή) Ως τ' άκουσεν η Αρετή ώρα λιγάκι εστάθη αμίλητη κι ο πόνος...

Έλα ύπνε μου πάρε το

Έλα ύπνε μου πάρε το Νάνι, νάνι-νάνι, νάνι-νάνι. Έλα ύπνε μου πάρε το κι άμε...