Χαψία
Χαψία έρθαν σο γιαλόν,
χοντρά τ’ ευλογημένα
Τα παπόρι͜α έχ̌’ κι έρχουν
ζίπα-ζίπα φορτωμένα
Χαψία, χαψία,
φατέστεν, σ̌κύλ’ παιδία!
Και ντ’ έμορφα μαειρεύ’ α̤τα
η θεία μ’ η Δοξία!
Χαψία βάλον σο πλακίν,
εσέν λέγω, Ηλία!
Στάξον κι ολίγον λαδόπον
ας ’ίν’νταν μερακλία
Χαψία, χαψία,
φατέστεν, σ̌κύλ’ παιδία!
Και ντ’ έμορφα μαειρεύ’ α̤τα
η θεία μ’ η Δοξία!
Τραπεζουνταίοι, Κερασουνταίοι,
όλ’ παίρ’νε τηγανίζ’νε
Τ’ εμέτερον οι Σουρμενίτ’
με τα πατμάνι͜α αλίζ’νε
Χαψία, χαψία,
φατέστεν, σ̌κύλ’ παιδία!
Και ντ’ έμορφα μαειρεύ’ α̤τα
η θεία μ’ η Δοξία!
Στιχουργοί: Παραδοσιακό
Συνθέτες: Παραδοσιακό
Καλλιτέχνες: Μιχάλης Καλιοντζίδης
