Θα φέρω ξύλα ασ’ σο ραχίν

Θα φέρω ξύλα ασ’ σο ραχίν

Θα φέρω ξύλα ας σο ραχ̌ίν
κι ας σην καρδι͜ά μ’ φωτίαν
Σ’ έναν τόπον θα θέκ’ ατα
και καίγω ούλι͜α μίαν

Θα φέρω ας σο ποτάμ’ νερόν
σην κάρδια μ’ να ’κχ̌ύνω
Εκειαπέσ’ ντ’ έχω τ’ άψιμον
ολίγον να νεβζήνω

Θολόν έτονε το νερόν
ας σο ποτάμ’ ντο έγκα
Αντί να βζήνω τ’ άψιμον
σην ψ̌η μ’ φαρμάκ’ εσέγκα

Το αίμαν ας σο καρδόπο μ’
ντ’ άσ̌κεμα τσιμπονίζει!
Θολόν ποτάμ’ εγέντονε
κι άλλο ’κι κατενίζει

Στιχουργοί: Παραδοσιακό

Συνθέτες: Παραδοσιακό

Καλλιτέχνες: Γιωργούλης Κουγιουμτζίδης, Χρύσανθος Θεοδωρίδης