Ενενήντα Χορτοθέρ’,
έκλαψαν ούλ’ τ’ εμετέρ’
[Αχ!] Ο Χάρος ’σέγκεν νισ̌άν’
και επέρεν τον πασ̌ά μ’
[όι, όι] …τον πασ̌ά μ’
Είκοσ’ μήνας εμπροστά
η γαρή ατ’ πα επέθανεν
[Αχ!] Για τοι δύ’ς πα ας σα καντήλας
τ’ ελάδι͜α ’τελέθανε
[όι, όι] …’τελέθανε
Θεέ μ’, να έ͜εις ατο γερόν
ντο είχαμ’ το κορτσόπον
Ατό το χ̌ιλιόρφανον
θ’ έχ̌’ εμάς παραθεόν
[όι, όι] …παραθεόν
Πονείς για τον θάνατον
τη μάνας και τη κυρού
Τσ̌ατίν έν’, ’κι σύρκεται
ο πόνον τη αδερφού
[όι, όι]… τη αδερφού
Πάσ̌α, τ’ εσόν την κουτσ̌ήν
σ’ εμέναν ινάνεψες
[Αχ!] Ησύχασον σο ταφί σ’,
η κουτσ̌ή σ’ υπάντρεψεν
[όι, όι] …υπάντρεψεν
Στιχουργοί: Χρύσανθος Θεοδωρίδης
Συνθέτες: Χρύσανθος Θεοδωρίδης
Καλλιτέχνες: Θεόδωρος Βεροιώτης, Χρύσανθος Θεοδωρίδης
