Χαμένα πατρίδας
Έι! Τη παιδί’ ο στεναγμόν,
τη πατέρα ο καημόν
Για τον Πόντον πάντα λέει
και με μαύρα δάκρυ͜α κλαίει
Όνειρα για τα Κολχίδας
τα χαμένα τα πατρίδας
Έι! Φορτωμέν’ με τα ποχτσ̌άδας
και σα ψ̌ήα τα γεράδας
Γεράδας ντο ’κι λαρούνταν,
όσοι έζησαν θυμούνταν
Όνειρα για τα Κολχίδας
Τα χαμένα τα πατρίδας
Έι! Πλάτανα και Κερασούντα
και την πόλ’ την Τραπεζούνταν
Άθελα σ’ πάντα νουνί͜εις
και το ψ̌όπο σ’ τυραννί͜εις
Όνειρα για τα Κολχίδας
Τα χαμένα τα πατρίδας
Έι! Όνειρα από μωρόν
πριν ας σον ξεριζωμόν
Ψ̌ήα παραπονεμένα
και μουράτι͜α νεβζημένα
Όνειρα για τα Κολχίδας
Τα χαμένα τα πατρίδας
Στιχουργοί: Νάκος Ευσταθιάδης
Συνθέτες: Μπάμπης Κεμανετζίδης
Καλλιτέχνες: Θόδωρος Παυλίδης, Μπάμπης Κεμανετζίδης
