Πατρίδα μ’ το ορμανόπα σου

29 Μαρτίου 2022

Πατρίδα μ’ το ορμανόπα σου
τ’ έμορφα τα ρασία σ’ (γιαρ)
Κι επόρεσα να ελέπ’ ατά
και τρώει με η αροθυμία σ’ (γιαρ).

Τα έμορφα τα μέρ(ε)α μουν
και τα νερά σ’ τα κρύα (γιαρ)
Να κλίσκουμαι και πίνω εγώ
να χαίρεται η καρδία μ’ (γιαρ).

Σα παρχάρ(ι)α και σα ορμάνια σ’
κελαηδούν τα πουλόπα (γιαρ)
Αραεύνε την κεμεντζέν
να λέγ’νε τραγωδόπα (γιαρ).

[external_products limit="4" columns="2" meta_title_color="#8c8c8c"]