Πατρίδα μ αραεύω σε
Πέντε οσπίτι͜α έχτισα
κι ασ’ όλια ξεσπιτούμαι
Πρόσφυγας είμαι ας σο κουνίν
Θεέ μ’, θα παλαλούμαι
Πατρίδα μ’, αραεύω σε
άμον καταραμένος
Σα ξένα είμαι Έλληνας
και σην Ελλάδαν ξένος
Οσπίτι͜α εφέκα ανάμεσα
σ’ ορμίν και ποταμάκριν
Πεγάδι͜α μαρμαρόχτιστα,
νερόν άμον το δάκρυν
Πατρίδα μ’, αραεύω σε
άμον καταραμένος
Σα ξένα είμαι Έλληνας
και σην Ελλάδαν ξένος
Και τώρα αδακέσ’ διψώ,
νερόν να πίνω ’κ’ έχω
Εντρέπουμαι να ψαλαφώ,
τα χ̌ειλόπα μ’ να βρέχω
Πατρίδα μ’, αραεύω σε
άμον καταραμένος
Σα ξένα είμαι Έλληνας
και σην Ελλάδαν ξένος
Στιχουργοί: Χρήστος Αντωνιάδης
Συνθέτες: Χρήστος Χρυσανθόπουλος
Καλλιτέχνες: Σταύρος Αβράμογλου, Χρήστος Καλιοντζίδης
