Γράμμαν μη στειλς με
Γράμμαν μη στειλς με γιαβρόπο μ’
γομάτα** τ’ ομματόπα μ’
κι επορώ ν’ αναγνώθα ατό
τρομάζνε τα σερόπα μ’.
Συ ασό γιάνι μ’ ντ’ έφυες
τ’ απέσ-ι-μ’ ερημώθεν
άμον πουλίν επέταξε
σα μακρά π’ εκομπώθεν.
Ση Θεού την ημέρα κιαν
τα γέλτα σ’ αφουκρούμαι
όθεν τερώ ευρίεσαι
Θεέ μ’ θα παλαλούμαι.
Κιντίν και βράδον πολεμώ
τ’ ομμάτια μ’ να τσαμώνω
σο όρομά μ’ να ελέπω σε
το ψόπο μ’ ν’ αλαφρώνω.
**
Γομάτα=γεμάτα, γιάνι=πλάι, απές=μέσα, γέλτα=γέλια, τερώ=κοιτώ, παλαλούμαι=τρελαίνομαι (τρελαθώ), κιντίν=δειλινό, τσαμώνω=κλείνω, όρομα=όραμα
Αφουκρούμαι=αφουγκράζομαι, ακούω
