Σο παρχάριν ’κι πάω
Σο παρχάριν ’κι πάω,
άλλο ’κι παρχαρεύω [Ούι αμάν!]
Θεία μ’, με το κορτσόπο σ’
άλλο ’κι μασχαρεύω [Ούι αμάν!]
Τ’ εμέρα τα κοσσάρας
σην φωλέαν ’κι ωβάζ’νε [Ούι αμάν!]
Τ’ έμορφα τα κορτσόπα
εγκάλιαν ’κι χορτάζ’νε [Ούι αμάν!]
Εκεί πέρα θεμών’ έν’,
η τρυγόνα τ’ εμόν έν’ [Ούι αμάν!]
Το φιστάν’ ατ’ς αλατσ̌ά -ν
θα σύρω την ταπάντσ̌αν [Ούι αμάν!]
Το φιστάνι σ’ ζαΐφκον,
κόρη, τα κάλλι͜α σ’ κρύψον [Ούι αμάν!]
Τη χώρας σ̌κύλ’ παιδία -ν
σύρ’νε σε ση σκοτίαν [Ούι αμάν!]
Άψον την λάμπαν, άψον,
όλα τα ξύλα σ’ κάψον [Ούι αμάν!]
Την πόρταν ανοιχτόν άφ’ς,
αν ’κ’ έρχουμ’ ανάσκαψον [Ούι αμάν!]
Στιχουργοί: Πόλιος Παπαγιαννίδης
Συνθέτες: Πόλιος Παπαγιαννίδης
Καλλιτέχνες: Γιώργος Αμαραντίδης, Πόλιος Παπαγιαννίδης
